Færslugjöld frá Landsbankanum - Uppsetning

Til þess að Regla geti sótt uppgjör færsluhirðis og bókað færslugjöld sjálfkrafa þarf að tengja Reglu við Landsbankann með API-lykli. Uppsetningin er í þremur hlutum:

1. Stofna kerfisaðgang og sækja API-lykil í netbanka Landsbankans
2. Skilgreina færsluhirði í Reglu
3. Skrá API-lykilinn og sækja færslur

*ATH til að stofna kerfisaðgang þarf notandinn að hafa réttindi í netbanka fyrirtækja Landsbankans til að breyta aðgangsstýringum.

1. Stofna kerfisaðgang og sækja API-lykil hjá Landsbankanum

1. Skráðu þig inn í netbanka fyrirtækja hjá Landsbankanum.

2. Veldu Aðgangsstýring / Kerfisaðgangar í valmyndinni vinstra megin.

   

3. Smelltu á Stofna nýjan kerfisaðgang.

   

4. Sláðu inn heiti og lýsingu - má vera hvað sem er, t.d.:

   • Heiti: Regla færslugjöld
   • Lýsing: Lykill fyrir Reglu til að sækja færslugjöld

   Smelltu á Stofna kerfisaðgang.

   

5. Smelltu á Stilla aðgang.

   

6. Hakaðu aðeins við Færsluhirðing og smelltu á Áfram.

   

7. Veldu Tengja önnur búnaðarskilríki og smelltu á Áfram.

   

8. Sláðu inn kennitölu Reglu ehf., 521208-0230, og smelltu á Staðfesta. Nafnið Regla ehf. á að birtast undir kennitölunni.

   

9. Smelltu á punktana þrjá hægra megin við kerfisaðganginn og veldu Sýna API-lykil.
10. Afritaðu API-lykilinn. Þú límir hann inn í Reglu í hluta 3.

*ATH API-lykillinn veitir aðgang að gögnum fyrirtækisins. Ekki senda hann í tölvupósti eða geyma hann þar sem aðrir sjá hann.

2. Skilgreina færsluhirði í Reglu

Undir Bókhald / Stjórnun / Skilgreining færsluhirða

Lýsing: Frjáls texti sem lýsir tengingunni, t.d. Færslugjöld Landsbankinn.

Bankatenging: Veldu Landsbankinn.

Samningsnúmer: Valkvætt. Ef reiturinn er auður er sótt uppgjör fyrir alla samninga fyrirtækisins. Sláðu inn samningsnúmer ef aðeins á að sækja uppgjör fyrir einn samning.

Bókhaldslykill færsluhirðis: Bókhaldslykill sem uppgjör færsluhirðis bókast á.

Færslugjöld: Bókhaldslykill sem færslugjöldin bókast á.

Smelltu á Skrá.

3. Skrá API-lykil og sækja færslur

Undir Bókhald / Skráning færsla / Sækja færslur í banka

1. Veldu skilgreininguna sem þú stofnaðir í hluta 2 í fellilistanum Skilgreiningar.
2. Veldu Dags. frá og Dags. til.
3. Smelltu á Sækja færslur.
4. Í fyrsta skipti birtist gluggi þar sem beðið er um API lykil. Límdu inn lykilinn úr hluta 1 og smelltu á Vista.

Eftir það sækir Regla færslurnar án þess að spyrja aftur um lykilinn.