Til að flytja þig úr Payday yfir í Reglu sækirðu lista yfir viðskiptavini, vörur og lánardrottna úr Payday, ásamt stöðum á lokadegi tímabilsins. Svo stofnarðu aðgang í Reglu og lest gögnin inn með Innflutningsálfinum. Þú getur gert þetta sjálf(ur) með leiðbeiningunum hér fyrir neðan, og þjónustuver Reglu aðstoðar ef þú þarft.
Hvenær er best að skipta?
Einfaldast er að skipta í byrjun fjárhagsárs. Það gengur samt líka vel í lok VSK-tímabils eða mánaðar, því upphafsstöður í Reglu eru miðaðar við lokadag tímabilsins í gamla kerfinu.
Flutningurinn sjálfur tekur stuttan tíma. Með Innflutningsálfinum lestu Excel-skrár beint inn í Reglu og ert fljótt komin(n) af stað.
1. Sæktu gögnin úr Payday
| Gögn | Hvar í Payday |
|---|---|
| Vörur | Sala > Vörur, smelltu á Excel-hnappinn |
| Viðskiptavinir | Sala > Viðskiptavinir |
| Staða viðskiptavina | Sala > Viðskiptavinir, hnappurinn Stöðulisti efst til hægri. Veldu lokadag tímabilsins |
| Lánardrottnar | Bókhald > Lánardrottnar |
| Staða lánardrottna | Bókhald > Lánardrottnar, hnappurinn Stöðulisti efst til hægri. Veldu lokadag tímabilsins |
| Stöður á fjárhagslyklum | Bókhald > Hreyfingalisti, veldu tímabil og flyttu út í Excel |
Hafðu líka tilbúið:
- Veflykla fyrir staðgreiðslu og virðisaukaskatt hjá Skattinum
- Aðgang að lífeyrissjóðum og stéttarfélögum ef þú greiðir laun
- Afrit af reikningum og launaseðlum úr Payday til að eiga
2. Stofnaðu aðgang í Reglu
Farðu á regla.is og smelltu á Nýskráning. Fylltu inn upplýsingar um fyrirtækið og veldu þær einingar sem þú þarft: bókhald, sölukerfi, laun og annað. Reikningur myndast aðeins fyrir einingar sem eru notaðar.
Sjá nánar: Fyrstu skrefin með Reglu
3. Lestu inn viðskiptavini, vörur og lánardrottna
Notaðu Innflutningsálfinn undir Stjórnun > Viðhald skráa > Innflutningsálfur. Hann les Excel- og CSV-skrár beint, án þess að þurfa sniðmát:
- Veldu tegund gagna, t.d. viðskiptavini eða vörur.
- Hladdu upp skránni úr Payday.
- Paraðu saman dálkana í skránni við reitina í Reglu.
- Villuleitaðu og veldu Flytja inn.
Sjá nánar: Flytja inn skrá með Innflutningsálfi
4. Færðu upphafsstöður
Settu inn stöður á skuldum og eignum miðað við lokadag tímabilsins í Payday:
- Viðskiptakröfur á lykil 7600, brotnar niður á kennitölu viðskiptavinar (úr stöðulista viðskiptavina)
- Lánardrottnar á lykil 9300, brotnir niður á kennitölu lánardrottins (úr stöðulista lánardrottna)
- Aðrar stöður á viðeigandi fjárhagslykla
Stöður má handslá eða lesa inn.
Sjá nánar: Upphafstöður skulda og eigna þegar byrjað í Reglu
5. Tengdu bankann
Sæktu um B2B-tengingu og innheimtuþjónustu hjá viðskiptabankanum þínum (Arion banka, Íslandsbanka eða Landsbankanum). Þá sendirðu kröfur, sækir bankafærslur og greiðir laun beint úr Reglu.
Sjá nánar: Bankatenging - Uppsetning og stillingar
6. Tengdu vefverslun og önnur kerfi (ef við á)
Regla tengist meðal annars:
- Vefverslunum: Shopify og WooCommerce
- Bókunarkerfum: Godo, Booking Factory og Infor HMS
- Greiðsluþjónustum: PEI, Netgíró, Aur, Handpoint, Rapyd, MyPos, Yay og fleirum
Sjá nánar: Kerfi sem tengjast Reglu
7. Settu upp laun (ef við á)
- Skráðu launþega undir Launakerfi > Viðhald skráa > Launþegar. Leiðbeiningar
- Skráðu lífeyrissjóði undir Launabókhald > Viðhald skráa > Lífeyrissjóðir / innheimtuaðilar. Leiðbeiningar
- Skráðu stéttarfélög undir Launabókhald > Viðhald skráa > Stéttarfélög. Leiðbeiningar
Viltu fara dýpra? Upptaka af námskeiði í launakerfi Reglu
8. Berðu saman
Þegar allt er komið inn berðu stöður í Reglu saman við stöðulistana úr Payday á sama degi. Ef tölurnar stemma er flutningnum lokið.
Þarftu aðstoð?
Flestir klára flutninginn sjálfir með leiðbeiningunum hér. Ef eitthvað stendur í þér aðstoðar þjónustuver Reglu:
- Sími: 520 1200 (kl. 9–16)
- Netfang: regla@regla.is
Svo eru námskeið í beinni á Zoom á tveggja mánaða fresti, auk upptaka af námskeiðum.
Algengar spurningar
Þarf ég að halda áfram með sömu reikningsnúmer og í Payday?
Nei, það er ekki nauðsynlegt að byrja á næsta númeri á eftir síðasta reikningi úr Payday. Hins vegar þarf númeraröðin í Reglu að vera samfelld eftir að fyrsti reikningurinn hefur verið gefinn út. Ef þú vilt byrja á öðru númeri en 1 þarf að stilla það áður en fyrsti reikningurinn er gefinn út.
Hvað verður um eldri gögn í Payday?
Sæktu afrit af stöðulistum, reikningum og launaseðlum úr Payday áður en þú segir upp áskriftinni.
Getur bókhaldsstofan mín fengið aðgang?
Já. Notendur eru ótakmarkaðir í Reglu, svo bókhaldsstofan getur fengið sinn eigin aðgang að fyrirtækinu þínu.
Hvað kostar Regla?
Allir pakkar eru fríir í 30 daga. Notendur eru ótakmarkaðir og ekkert hlutfall er tekið af veltu. Sjá verðskrá Reglu.
Athugasemdir
0 comments
Vinsamlegast innskráning til að skilja eftir athugasemd.