Stýringar fyrir innflutning tímaskráninga

Tímaskráningafærslur er hægt að flytja sem comma separated value (csv) skrá beint inn í launakerfið. Til þess að flytja inn færslurnar er valið Stjórnun > Viðhald skráa > Flytja inn skrá og valið Tímafærslur í launakerfi. Í handbókinni Stjórnun í kaflanum Flytja inn skrá er nánari lýsing ásamt dæmi um skrá.

Hér eru skilgreindar stýringar fyrir þá skrá sem flytja á inn. Þær stýringar sem fylgja kerfinu eru miðaðar við tímaskráningarkerfið Tímon og ættu notendur þess kerfis ekki að þurfa að breyta neinu hér.

Vörpun launaliði í innlestri
Hér eru skilgreindir þeir launaliðir sem taka á með og í hvaða launaliði þeir eiga að varpast í launakerfinu.

Röð dálka í innlestri
Hér er birtur listi yfir þá dálka sem kerfið gerir ráð fyrir og notandi getur skilgreint hvar þeir dálkar eru.
Röð segir til um númer dálks í csv skrá þar sem fyrsti dálkur er 1. Ef ekki á að taka með dálkinn er hægt að gera hann óvirkan með því að smella á táknip.

Form á dagsetningarsvæðum
Mismunandi kerfi geta verið að vinna með dagsetningar á mismunandi formum. Hér getur notandi skilgreint viðeigandi form fyrir dagsetningu á csv-skránni, dd=dagur, mm=mánuður og yy=ár eða yyyy=öld og ár
Formið má innihalda punkt.
Þannig er t.d. dd.mm.yyyy gilt form.